Archives
Article

Aya Gikahuda


Asi?


Rugayey kaling mga rasay

Ag panambitong nahaboy it ak rila:

Mga ngutab-ngutab ag panaghoy

Nak hu-om sa paghigugma,

Ag nakarana sa kabatuhang

Mas matugas pa sa utog

It hunahunang kidapot it hugot-hugot,

Ag busog it mga tula!

 
It ikaw narilam-rilam,

Ag kinang rilang pangyubit-yubit

sa ako pangpangabuhi,

Nopay mga tubsok it radom

Sa mahim-ong nak parum-rom!


Indi ak maayaman

Kung asing kinang imo rila,

Permi yang nak wislik

It mga ruyang pangkaudog,

Makahilong botete kina,

Buhi-i ag ipatuyadog!

 
Asi?


Kung sarang:


Aya baga ako nisabta

Sa rilang uya nako namukyatan,

Ag napu-on sa ako tikudan!


++++++++++++


*Puyde rang "nikahuda."

 

11/14/2009