Archives
Literary

Buko-ey Uso
by Ish Fabicon

Ak ahoguton, kinang mga bitu-on
Sa langit;
Atohugon,
ag ibali-og rahang imo li-og.
Ak ahimaymayun
Kaling napupu-ot
ag nagngungutngot
nak mga mayabtong
nak nguyob!
Ak mahaboy it tulang
nagaalimbukar,
nagkakayarkar!
Ak mapanghimuyak
it pulos mabangyo
ag bag-ong buskar
nak buyak
ako itusok
sa talipuan
it palma nak pilak.

Guyang hilaw ka naglikwar
Rahang mahim-ong nak bibig.
Usang tarok ka nagruyot
Rahang imo nayusrok.
Ag sa udahon nimong matahum,
Kulisaw ka ak napuyot!

From: Mutda Mga Tulang Asi 1916-2004